Monthly Archives: May 2017

Die Berg 

Daar was eens ‘n bootjie 

gemaak van hout 

die see wou hy deurkruis 

van wes na oos 

noord na suid 

om die Kaap van Storms 

‘n roete vind 

toe sien hy die berg 

waar hy rus kon vind. 
© Gois 

Leave a comment

Filed under Uncategorized

Geen Twakkie Dag 

Daar was ‘n dag 
geen rook het almal gelag

hou jou twakkies in jou sak 

sê hulle 

maar o wee 

diè huigelary moet maar end kry 

sjokolade 

suiker 

en leunstoel gemak 

tv-oë en rond loerdery 

so ‘n dag 

moet hulle ook maar kry. 
© Gois 

Leave a comment

Filed under Uncategorized

Kaggelvuur 

In die warmte van jou arms

lig wat donker verdryf 

rustig 

knus 

tevree 
© Gois 

Leave a comment

Filed under Uncategorized

Onthou 

Aan my weduwee. 
Onthou ons ontmoetingsdag

ons troudag 

ons lewenspad 

ons vreugdes 

ons tye saam 

die lekker lag

onthou altyd net die goeie 

Onthou 

Onthou 

Onthou ek is lief vir jou 
© Gois 

Leave a comment

Filed under Uncategorized

My Pyp die Donkie en Ek 

My Pyp die Donkie en Ek 
Kyk swaer, vanoggend het daar ‘n ding 

gebeur, wat my herinner het aan iets

 wat ek jou wil vertel. 
Konstabel Nortje maak sy fiets staan hier by my 

voorhekkie, hy seg toe dat die tante hier langsaan, 

jy weet mos, die een wat alewig haar neus oral

indruk, vir hom gesê het dat as sy op haar toilet

 se sitplek staan en sy deur die klein venstertjie 

kyk, kyk sy op my komposhoop, ek kan nou mos 

nie help vir haar venstertjie nie. 

Ewenwel, sy sê toe vir hom dat daar ‘n plantasie 

Dagga bome staan. Ou neef, ek kry so ‘n krieweling

 in my nekhare, so asof ‘n kolonie miere daar wil 

nesskop. 

Gelukkig sê die gereg toe, dat hy van die erf se

 hoek gekyk het en dat dit vir hom na kakiebos

 lyk, hy sê toe dat kakiebos baie vinnig vervuil 

en dat dit beter is om vinnig plan daarmee

 te maak. 
Ou swaer, Nortjekie klim sy fiets en is toe weg,

 ou neef, ek kry die poliesmanne regtig jammer, 

vandat die polisie nie meer petrol het nie moet

 die manne weer van fietse vir patrolliediens

 gebruik maak. Jammer ou boet, ek dwaal van 

my storie af. 

Ewenwel, ek stap toe na my komposhoop en 

wragtag, daar staan ‘n paar ‘n paar Daggabosse. 

Ek pluk hulle net daar uit, grawe ‘n gat in die 

komposhoop, tot daar waar dit lekker warm is 

en druk hulle daarin.

 Glo nie hulle sal weer kop uitsteek nie. 
Ai ou swaar, ek dwaal so weg van my storie. 
My Pyp die Donkie en Ek. 

Jy sien boeta, ek gebruik nou al vir so seker 

twee jaar Cannabisolie, dis nou Daggaolie. Ek 

gebruik dit vir al die oumens pyne jy weet, 

soos rumatiek, galstene, nierstene en sulke goed. 

‘n Koeriermannetjie lewer eenmaal ‘n maand my 

olie vanaf Swaziland af. Die probleem egter is 

dat die mannetjie se maand partykeer so vier 

vyf dae langer as my maand is. 

Ek het toe maar ‘n belegginkie by die lokasie gaan 

maak en ‘n vuurhoudosie Dagga gekoop. 

Jy sien ou swaer, my ouma het my vertel dat jy 

die blare trek soos tee en dat dit help vir oumens 

kwale. 

By die huis gekom neem ek toe ‘n snuifblikkie 

wat ek van ouma geërf het. Jy sien swaer, sy 

het gesnuif. Neem so ‘n knypie, druk die een 

neusgat toe, trek so ‘n diep snuif, haar mond 

trek so op ‘n pruimpie, oë styf toegeknyp, neus 

wikkel so twee keer en dan nies sy. Dan doen 

sy dieselfde met die ander neusgat, en nies weer 

Die ou eens wit sakdoekie, wat nou al lyk soos 

‘n skoorsteenveer s’n word gebruik. 

Sorry swaer ek dwaal al weer af. 

Ek bêre toe my belegginkie in die blikkie 

en steek hom diep in my kas weg. Soek nie 

moeilikheid met die gereg nie. 

 Ek het drie saaitjies uit gehou en het hulle by die 

komposhoop gaan plant, sodat my belegginkie 

kan rente trek. Ai ou neef, hulle het nie gegroei 

nie, so asof hulle nie daarvan hou dat jy die 

grond bewerk nie. 
Dit is toe weer een van daai maande wat 

die koerierkêreltjie se maand vyf dae langer 

as my maand is. 

Nouja, tyd om my belegginkie te gebruik. Ek 

grawe my blikkie diep agter in my kas uit en 

sê vir myself, myself vergeet van die tee en 

rook die dem ding. 

Ek sluit die deur, soek nie moeilikheid met 

die gereg nie, maak die vensters toe, ek 

verstaan dat die rook soet ruik en netnou 

ruik langneus van langsaan iets. 

Ek probeer ‘n zol draai uit koerantpapier maar 

die ding lyk soos ‘n verlepte aspersie, steek 

hom aan die brand, die vlammende 

koerantpapier skroei my ooghare, toe besluit 

ek dat dit beter sal wees as ek my pyp gebruik.

 Ek vat ‘n knypie en gooi dit in my pyp se kop 

maar kan amper niks sien nie. 

Bokker dit, ek stop toe maar ‘n stywe stopsel. 

Ek gaan leun so lekker teen my kamerdeur se 

kosyn, steek die pyp op en gee ‘n baie versigtige 

trekkie, daar is so effense krieweling, niks ernstig

nie ou swaer, okay wees braaf en ek vat ‘n diep 

trek tot in die onderste punt van my longe. 
Kyk ouboet, die deur is gesluit, die vensters is 

toe, so ek weet wragtag nie hoe die donkie in

die huis gekom het nie maar hy skop my voor 

die kop, ek sien nog hoe my pyp eenkant toe 

spat en kry my plat op die vloer. My hande en 

voete is weg, dit was ‘n ma se skop wat die 

flippen donkie my gegee het. 

Skielik is ek vreeslik dors maar toe ek nog 

dink aan water toe word ek vreeslik naar, 

ou neef, ek skat ek voel soos ‘n swanger 

vrou in die oggend, nie dat ek sal weet hoe 

hulle voel nie maar dit moet so iets wees. 
Ou swaer, kyk ek besef toe dat ek maar eerste 

aandag aan die naargeit moet gee maar toe ek 

my kop van die vloer af lig, toe draai alles om my 

en ek voel ‘n doodse moegheid oor my kom, ek

 besef dat ek hier moet wegkom voordat die donkie

my nog raak trap ook. Die kooi is die plek vir my. 

Ou boet maar ek kan nie regop kom nie, so ek maak 

toe maar soos ‘n slang op my maag. 

Nou ek weet van my deur tot by die katel is so vier 

treë maar daar waar ek lê sien ek dat my kamer 

baie groter is as wat ek besef het. 

My katel staan doer in die hoek en dit lyk vir my 

of dit ‘n vier dae trek gaan wees. 

Gelukkig het my hande weer by my aangesluit, 

dit is toe nou dat ek wens ek is soos ‘n kat, 

dat ek my skerp naals in die plankvloer kan 

inslaan maar ou neef ek is ‘n boerklong met 

kort naals. 

Ou swaera, nou slang ek maar katel toe. By 

sy hoekpaal slang ek maar op, totdat my knieë 

sonder my voete, ek weet nog nie wat van hulle 

geword het nie, gelyk met die matras is en 

val vooroor. 

Nou moet ek klou, die matras skommel en 

spring soos ‘n skuit op die see en wil my 

net afgooi. 
Ou neef, ek het die matras by Lewis se winkel 

op die dorp gekoop, dit was ‘n gewone driekwart 

een maar nou lyk hy so groot soos ‘n rugbyveld. 

Ewenwel, toe ek nou slangsgewys middel toe 

op my maag, slaan die seesiekte my dat die 

sweet soos bloed my aftap. 

My voete slaan skielik teen my knieë vas, kom 

vandaar waar die verdomde donkie my geskrop 

het, was seker bang hulle word raak getrap. Kyk 

ou swaer, ek verstaan nog nie hoe die donkie 

in my huis gekom het nie. 

Ek kan nie so op my maag bly lê nie, netnou 

verdrink ek in die seesiekte en ek het by ‘n skipper 

gehoor dat as jy na ‘n vêr kol kyk dan help dit vir 

die seesiekte, so ek draai toe op my rug en soek 

‘n kol. Nou moet ek jou sê, dit is asof ek in die 

skoolsaal op die vloer lê en na die dak doerbo 

lê en kyk, ek sien ‘n kol teen die dak. 

Dit is nou al sterk skemer maar ek staar na daai 

kol of my lewe daarvan afhang. Ek sien die kol 

raak al groter en hy kom al nader, hy raak 

so groot dat dit lyk of hy die katel en my gaan 

toevou. Ek maak my oë toe, dit was ‘n fout want 

dadelik begin van die kooi weer skommel en draai, 

ek sper my oë oop en sien die kol weer daar bo 

teen die dak, weer sak dit af en raak groter. 
Ou swaer ek moes seker aan die slaap geraak het, 

want ek droom van mense wat ek glad nie ken nie, 

ook van mense wat ek ken maar nie wil sien nie. 

Toe ek my oë oopmaak is dit nog skemer maar nie 

dieselfde nie. Die skemer kom dan nou by die ander 

venster in. Dankie tog, ek besef dat dit nou die oggend 

se skemer is. 
Magtig ou neef, ek is so dors dat dit voel asof 

my tong aan aan my verhemelte vas geskroef is, 

ek kyk of ek die donkie kan sien wat my gisteraand 

so hard geskrop het. Ek sê jou, ek weet nog nie hoe 

die dier in die huis gekom het nie, deur ‘n deur wat 

gesluit is nogal, daar is geen teken van hom nie. 

Nouja, ek gryp die tafeltjie langs my katel vir balans 

en klou aan die kas, tot by die kosyn. 

Strompel die kombuis binne en steek my gasprimis 

brand en sit die ketelkie op. Nou terwyl ek vir hom wag 

raak ek nou so lus vir vir ‘n dampie, ek begin soek 

na my pyp. Laaste wat ek hom gesien het was 

toe die donkie my geskop het. Hy is nie op my 

bed of op die tafel nie, so ek is toe maar hande 

viervoet op die grond, dit is net die koos onder 

die bed. Ou swaer ek sien hom toe wegkruip in 

die verste hoek onder die kas, seker maar bang 

dat die donkie hom sou raak trap, die dat hy daar 

gaan wegkruip het. 

Ek kyk die stopsel so en sien nie kans daarvoor 

nie. Neem my knipmes en gaan na die komposhoop 

waar ek hom skoon uitkrap. Proe proe so aan die 

steel, nie ‘n lekker smaak nie. 

Jy weet mos ou neef, my badkamer is buite, daar 

gooi ek ‘n bietjie water in ‘n kommetjie en spuit 

so bietjie van daai groen stroop waarmee jy 

skottelgoed was saam en begin die affêre skommel 

toe hoor ek my ketelkie roep my. 

Nouja swaer ek is kombuis toe, neem my groot 

koffiebeker en maak ‘n ekstra sterk swart 

koffietjie aan. 

Nou die beste plek om koffie te drink hier by my 

is op die stoep, gaan sit en plaas die stomende 

beker op die reëling. Toe raak ek darem te lus 

vir ‘n dampie. Ek is weer badkamer toe, die pyp 

lyk mooi skoon en vir die wis en die onwis blaas 

ek in die pypsteel, maggies broer, daar kom toe 

die mooiste seepbelle uit die kop. Ek neem 

toe weer skoon water en skommel die spul, 

dis toe skommel en blaas, totdat daar nie 

meer borrels is nie. Nou skud ek hom droog 

soos jy vanmelewe se kwikkoorspenne ge-

skud het, jy weet mos, om die kwik weer onder 

in die bol te kry. 
Broer, ek gaan toe kamer toe vir my twak. My 

mengsel is mos een derde Bokser, een derde Fox

en een derde Rum en raisen, ag ek bedoel Maple, 

ek raak so deurmekaar met die goed se name. 
Ou swaer en daar raak ek nou lus vir koffie, gaan 

in die kombuis maar ek kry my groot beker nêrens 

nie, vat toe maar ‘n klein beker, die wat ek vir gaste 

hou. Steek my ou gasprimissie brand en sit die 

ketelkie op, hy is warm en ek verstaan dit nie. 

Koffie gemaak. Nou swaer die beste plek om koffie 

te drink is op my stoep. Ek gaan sit en toe ek die 

beker op die reëling neerplaas sien ek my groot 

koffiebeker staan en stoom. 
Ou neef dit slaan my dronk, net soos oor 

hoe die verdekselse donkie in my huis 

gekom het, deur ‘n toegesluite deur. 

Daar het jy nou my storie ou swaer. 

Die storie van my pyp, die donkie en ek. 
© Gois 

Leave a comment

Filed under Stories

Die Net 

Die Net 
Met goue drade spin sy

goue wawiel vorm 

huis 

spens 

ragfyn gebou 

agtpotig wag sy nou. 
© Gois 

Leave a comment

Filed under Uncategorized

HERFS

Jou klere sneeu in kleure na die grond 
goud 

geel 

bruin 

jou tak-arms reik nakend na die son 

asof in gebed 

watter lied 

het herfs te bied 
Net rus vir ‘n tyd. 
© Gois

Leave a comment

Filed under Uncategorized

Ek Sê 

I say old man 

can you help me with this 

The Queens English 

is confusing at best 
They say nite 

but when you write 

someone dropped a GH 

before the t and forgot the e 

and rite with a W before the R 

or GH again before the t 

forget the e. 
They will say nee

 but for some reason a K appears 

before the n 
Look at nat and nome

 a G before the n
Although they sound the same

 they are not 

night, knight 

son, sun 

Be a jolly sport 

and take my idea 

before the British Court 

old man 
All subjects of Her Majesty 

“moet Afrikaans leer lees en skryf”

There is no confusion there 
Ek sê 
© Gois 

Leave a comment

Filed under Uncategorized